महाराष्ट्र 24 तास | बीड – बीड शहरात खळबळजनक घटना समोर आली आहे. पोलीस मुख्यालयात कर्तव्यावर असलेल्या पोलीस कर्मचाऱ्याने झाडाला गळफास घेऊन आत्महत्या केली आहे. या घटनेनंतर शहरात खळबळ उडाली आहे.
बीड शहरातील पोलीस मुख्यालयावर कर्तव्यावर असणाऱ्या पोलीस कर्मचाऱ्याने, मुख्यालयाच्या भिंतीलगत आवळ्याच्या झाडाला गळफास घेऊन आत्महत्या केलीय. आज सकाळी ही घटना उघडकीस आली. अनंत मारोती इंगळे (रा. कळंमआंबा ता.केज जि बीड) असे आत्महत्या केलेल्या पोलीस कर्मचाऱ्याचे नाव आहे. दरम्यान पोलीस कर्मचारी अनंत इंगळे यांनी आत्महत्या का केली ? हे अद्याप अस्पष्ट असून या घटनेने एकच खळबळ उडाली आहे.
अगदी प्रतिकूल परिस्थितीतून शिक्षण घेऊन सेवेत लागलेल्या इंगळे याने का आत्महत्या केली याचे कारण अद्याप स्पष्ट झाले नाही. घटनेची माहिती समजताच पोलिसांनी घटनास्थळी धाव घेतली आहे.
