महाराष्ट्र 24 तास | अंबाजोगाई – दिवाळीच्या पूर्वसंध्येला सासरवाडीत जावयाचा खून झाल्याची धक्कादायक घटना उघडकीस आले असून घटनेमुळे खळबळ उडाली आहे. ही घटना अंबाजोगाई तालुक्यातील डोंगर पिपळा येथे घडली असून सचिन शिवाजी तिडके (वय 35 रा. भोगलवाडी हल्ली मुक्काम डोंगरपिंपळा ता अंबाजोगाई जी.बीड) असं खून झालेल्या युवकाचे नाव आहे.
सचिन शिवाजी तिडके वय पस्तीस रा. भोगलवाडी हल्ली मुक्काम डोंगरपिंपळा ता अंबाजोगाई जी.बीड येथील रहिवासी व डोंगर पिंपळा गावचा जावई असून एक वर्षापासून सासरवाडी डोंगर पिंपळा येथे पत्नी मुलांसोबत राहत असत. रात्री पासुन सचिन तिडके बेपत्ता होता. आज दुपारी एक वाजता त्याचा मृतदेह डोंगर पिंपळा शिवारात चेहऱ्यावर दगड मारुन चेंदामेंदा केलेल्या अवस्थेत आढळून आला. घटनास्थळी दारुच्या बाटल्या आढळून आल्या आहेत.
दिवाळी शुभेच्छा जाहिरात
घटनेची माहिती मिळताच अंबाजोगाई ग्रामीण पोलीस स्टेशनचे पीएसआय घुगे व पोलीस कॉन्स्टेबल भागवत यांनी घटनास्थळी धाव घेत सचिन याचा मृतदेह स्वामी रामानंद तीर्थ रुग्णालय येथे शवविच्छेदनासाठी पाठवण्यात आला आहे. याबाबत गुन्हा दाखल होण्याची प्रक्रिया उद्या सकाळी होणार असुन सदरील खून हा सासरवाडीतील लोकांनीच घडवून आणला असल्याचे सचिनच्या नातेवाईकाचे म्हणणे आहे कारण ते मृतदेहाजवळ गेले असता सासरवाडीकडील लोकांनी मयताच्या नातेवाईकांना शिवीगाळ व अंगावर दगड घेऊन धावले असल्याचे सांगत आहेत.
सचिन याच्या पश्चात दोन मुले,पत्नी आईवडील भाऊ भावजय असा परिवार आहे. ऐन दिवाळीत आनंद उत्सव साजरा होत असताना तिडके कुटुंबीयावर शोक करण्याची वेळ आली असून त्यामुळे सर्वत्र हळहळ व्यक्त होत आहे.
